Dempuèi la rintrada 2022, una tenguda nauta d’unifòrme es obligatòria per tots los escolans de l’escòla.

L’unifòrme escolar es un ais pedagogic al servici del projècte educatiu de l’escòla. Dins aqueste encastre, permet als escolans de comprene de nocions essencialas que pòdon aver un impacte positiu sus lor comportament e lor concentracion.

· Lo comportament a l’escòla : Aquela vestimenta establís una linha de separacion entre la vida en societat e la vida dins l’espaci privat. L’unifòrme ajuda l’enfant a far la diferéncia entre son comportament a l’escòla (ont se deu mostrar de respècte per lo trabalh e una conducha corrècta en public) e çò que pòt far dins lo privat.

· La concentracion : Una de las especificitats de l’unifòrme es de combatre lo reialme de l’aparéncia. Dins un espaci protectiu, los enfants arriban mai aisidament a se concentrar, sens aver a se mesurar als autres sus l’aparéncia. En establissent una egalitat entre los escolans, lo port de l’unifòrme permet tanben de s’orientar mai cap als autres e favoriza lor dobertura d’esperit.

La tenguda vestimentària pòt èsser una font de comparasons e de gelosias. Quand d’enfants an pas los mejans de portar las marcas a la mòda, pòdon patir d’una dificultat d’integracion, o quitament d’exclusion.

Aital, l’unifòrme es un factor d’integracion e de coesion.

· Integracion : L’unifòrme permet de daissar fòra de l’escòla las diferéncias socialas o economicas, e plaça cada enfant dins una situacion d’egalitat amb los autres. Contribuís clarament a una melhora integracion dels escolans.

· Coesion : Lo port de l’unifòrme permet als enfants de se sentir part d’una meteissa comunautat. Aquò renfortís lo sens de collectiu e crea sovent una fiertat d’apartenéncia a son escòla.

· Aspèctes practics : L’unifòrme es una tenguda resistenta, pensada per èsser confortabla tot au long de l’annada. Los teissuts son causits per resistir a de lavatges frequentas. Es tanben economica : reduch lo budget vestimentari e limita la pression de las marcas sus los enfants.

Enfin, l’unifòrme simplifica la vida dels parents, que son pas someses a las tendéncias de la mòda que los fòrçan sovent a renovar la gardaròba. Es una tenguda durabla e eleganta.