Aquesta annada, los enfants de Pichòna e Mejana Seccion de nòstra escòla auràn la chança de viure una jornada excepcionala al bacin d’Arcaishon lo 27 de junh.
Al programa : una matinada en batèu per explorar las meravilhas marinas de la region, seguida d’una passejada sus la plaja lo tantòst per descobrir la fauna e la flòra localas. Una jornada rica en descobèrtas e en meravilhament que promet de crear de sovenirs inoblidables per nòstres pichons explorators. Per que aqueste projècte se pòsca realizar, avem besonh de vòstre sosten !
Del 30 de junh al 4 de julhet, serà al torn dels escolans de Granda Seccion, CP, CE e CM de partir a Sant Jòrdi de Didona per un sejorn plen de promessas. Pendent aquelas jornadas, auràn l’escasença de participar a una caça al tresaur, d’ensajar lo carròt a vela, e de faire un torn en batèu a l’entorn del celèbre Fort Boyard.
Aquestes viatges educatius e ludics son essencials per nòstres enfants, mas lo prètz d’aquestas sortidas pòt representar un obstacle per quauquas familhas. Nòstra pichòta escòla familhala a besonh de vosautres per recampar los 25 000 € necessaris a lor realizacion. Se volètz contribuir, podètz far un don a l’òrdre de l’OGEC.
Cada gèst compta !
